ડીસા ના ગાયત્રી મંદિર પાસેથી બાઈક ચોર ને ઝડપી પાડતી બનાસકાંઠા LCB પોલીસ..

બનાસકાંઠા જિલ્લામાં વાહન ચોરી ના ગુનાઓ રોકવા માટે પોલીસ અધિક્ષક પ્રશાંત સુંબેની સૂચનાથી એલ.સી.બી. પાલનપુર ની ટીમો સક્રિય હતી, આ દરમિયાન ડીસા શહેરના ગાયત્રી મંદિર નજીકથી ચોરાયેલ બાઈક ના ભેદ ને ઉકેલવામાં એલ.સી.બી.ને મોટી સફળતા મળી છે, પોલીસે રાજસ્થાન ના એક શખ્સને ચોરીના બાઈક સાથે ઝડપી પાડ્યો છે..

પાલનપુર એલ.સી.બી.ના ઇન્ચાર્જ પી.આઈ. ડી.એમ. રાઠોડ અને પી.એસ.આઈ. આર.બી. જાડેજા ના માર્ગદર્શન હેઠળ ટીમ તપાસ કરી રહી હતી, તે સમયે એલ.સી.બી.ના પી.સી. પ્રવિણભાઈ ભીમાજી ને મળેલી ચોક્કસ બાતમીના આધારે ટીમે વોચ ગોઠવી હતી, આ કાર્યવાહી દરમિયાન મહેન્દ્રારામ જેઠારામ જાટ (રહે. રામદેવીયા, બાડમેર, રાજસ્થાન) ને નંબર વગરના હીરો સ્પ્લેન્ડર બાઈક સાથે શંકાસ્પદ હાલતમાં પકડી પાડવામાં આવ્યો હતો..

આરોપી પાસેથી મળેલા બાઈક અંગે ઈ-ગુજકોપ પોર્ટલ પર તપાસ કરતા તેનો સાચો નંબર GJ.08.BQ.0114 હોવાનું જાણવા મળ્યું હતું, વધુ તપાસમાં આ બાઈક ડીસાના લોરવાડા ગામના સાગરભાઈ ધુળાભાઈ રબારીનું હોવાનું અને ડીસા શહેર ના ગાયત્રી મંદિર વિસ્તાર માંથી ચોરાયું હોવાનું સામે આવ્યું હતું..

પોલીસે 20,000 રૂપિયાની કિંમતનું ચોરીનું બાઈક અને એક મોબાઈલ ફોન મળી કુલ 25,000 રૂપિયાનો મુદ્દામાલ કબજે કર્યો છે, પકડાયેલ આરોપી મહેન્દ્રારામ જાટ અગાઉ કચ્છના સામખીયાળી અને રાજસ્થાન ના બાલોત્રામાં દારૂની હેરાફેરી ના ગુનામાં પણ પકડાઈ ચૂક્યો છે, તે રાજસ્થાન થી ધંધાર્થે ડીસા આવતા અને ડુપ્લીકેટ ચાવીથી લોક ખોલી બાઈક ચોરીને વતન માં સસ્તા ભાવે વેચી દેવાની ટેવ ધરાવે છે..