ડીસા તાલુકાના દામા ગામમાં પિતા-પુત્ર અને કુચાવાડા ગામમાં માતા-પુત્ર પર હિંસક હુમલો..

બનાસકાંઠા જિલ્લાના ડીસા તાલુકામાં કાયદો અને વ્યવસ્થાની સ્થિતિ કથળી હોય તેમ બે અલગ-અલગ ગામોમાં હિંસક હુમલાની ઘટનાઓ સામે આવી છે. દામા ગામમાં ગાળો બોલવા બાબતે ઠપકો આપવા જતાં પિતા-પુત્ર પર લાકડીથી હુમલો કરાયો છે, જ્યારે કુચાવાડા ગામમાં રસ્તાની જૂની અદાવતમાં માતા-પુત્ર પર કુહાડી અને સળિયા વડે જીવલેણ હુમલો કરવામાં આવ્યો છે..

1. દામા ગામ : ગાળો બોલવાનો ઠપકો આપવો પિતા-પુત્રને ભારે પડ્યો

ડીસાના દામા ગામે સામાન્ય બાબતમાં થયેલા ઝઘડાએ હિંસક સ્વરૂપ ધારણ કર્યું હતું. ઘટનાની વિગત મુજબ, ફરિયાદી પરબતભાઈ ગલબાભાઈ પરમારના ભાઈ ગમનભાઈ પોતાના ઘર પાસે ઉભા હતા, ત્યારે ગામનો જ પ્રકાશભાઈ મગનભાઈ પરમાર ત્યાંથી મોટરસાયકલ લઈને પસાર થયો હતો. પ્રકાશે કોઈ પણ કારણ વગર ગમનભાઈને અપશબ્દો બોલવાનું શરૂ કર્યું હતું.

આ બાબતે સમજાવવા અને ઠપકો આપવા માટે જ્યારે પરબતભાઈ તેમનો પુત્ર રાહુલ અને અન્ય સભ્યો પ્રકાશના ઘરે ગયા, ત્યારે આરોપી ઉશ્કેરાઈ ગયો હતો. તેણે લાકડી વડે પરબતભાઈ પર હુમલો કરી કપાળ અને હાથના ભાગે ઈજાઓ પહોંચાડી હતી. પિતાને બચાવવા વચ્ચે પડેલા પુત્ર રાહુલને પણ માર મારવામાં આવ્યો હતો. આરોપીએ જતાં-જતાં જાનથી મારી નાખવાની ધમકી પણ આપી હતી. હાલમાં ડીસા રૂરલ પોલીસે આ મામલે ગુનો નોંધી તપાસ શરૂ કરી છે.