પાલનપુર ડીસા હાઈવે પર એક અકસ્માત સર્જાયો હતો, જેના સીસીટીવી ફૂટેજ વાયરલ થયા છે. ચડોતર નજીક એક કાર ચાલકે સ્ટિયરિંગ પરનો કાબૂ ગુમાવતા કાર ડિવાઈડર સાથે અથડાઈને પલટી મારી હતી, આ ઘટનામાં કારમાં સવાર બે વ્યક્તિઓ અને બે બાઈક સવારો નો આબાદ બચાવ થયો હતો..

પ્રાપ્ત માહિતી અનુસાર, પાલનપુર થી ડીસા તરફ જઈ રહેલી એક કાર પૂરપાટ ઝડપે ડિવાઈડર સાથે ટકરાઈ હતી, ટક્કર એટલી જોરદાર હતી કે, કાર ડિવાઈડર કૂદીને ડીસા થી પાલનપુર તરફના રોડ પર આવી ગઈ હતી અને ગુલાટી મારી ગઈ હતી..

વાયરલ થયેલા સીસીટીવી ફૂટેજમાં સ્પષ્ટ દેખાય છે કે, એક કાર પૂરઝડપે આવી રહી છે અને અચાનક ડિવાઈડર સાથે અથડાઈને હવામાં ઉછળીને બીજા ટ્રેક પર પલટી મારે છે, આ દ્રશ્યો જોઈને અકસ્માતની ભયાવહતાનો અંદાજ લગાવી શકાય છે..