ડીસામાં યુવતીને પ્રેમજાળમાં ફસાવી શખ્સે દુષ્કર્મ આચરતાં ચકચાર..

ડીસા પંથકની એક યુવતીને મહાદેવીયાના યુવકે પ્રેમના જાળમાં ફસાવી હતી. યુવક યુવતીને ગેસ્ટ હાઉસમાં લઇ જઇ શારીરિક સબંધ બાંધી અંગત પળોના ફોટા પાડ્યા હતા. બાદમાં યુવક ફોટા વાયરલ કરવાની ધમકી આપતાં યુવતીએ નોકરી પણ છોડી દીધી હતી..

ડીસાની પંથકની એક યુવતીને ખાનગી ઓફીસ માં નોકરી કરતી હતી, ત્યાં તેની મુલાકાત ચિરાગભાઇ પઢિયાર (રહે. મહાદેવીયા, તા.ડીસા ) નામના યુવક સાથે થઇ હતી અને બંને વચ્ચે મિત્રતા થઇ હતી, ફોન અને વોટ્સએપ પર વાતચીત શરૂ થઇ હતી. ચિરાગે યુવતીને લગ્નનું વચન આપી એક ગેસ્ટ હાઉસમાં લઇ જઇને શારીરિક સબંધ બાંધ્યા હતા. જે બાદ ચિરાગે અનેક વખત જબરદસ્તીથી સબંધ બાંધ્યા હતા અને યુવતીના અંગત પળોના ફોટા પોતાના મોબાઇલમાં લીધા હતા.

યુવતી હેરાનગતિથી નોકરી છોડી દીધી હતી. અને બીજી જગ્યાએ નોકરી શરૂ કરી હતી. ત્યાં પણ ચિરાગે ધમકી આપી નોકરી છોડાવી દીધી હતી.યુવતીએ સબંધ તોડી ચિરાગનો નંબર બ્લોક કર્યો હતો. છતાં ચિરાગે ફોટા વાયરલ કરવાની ધમકી આપી બ્લેકમેલ કરવાનું ચાલુ રાખ્યું હતું.

યુવતીના ફોટા તેના સબંધીઓના મોબાઇલમાં પણ મોકલ્યા હતા. યુવતીએ આખરે ડીસા શહેર ઉત્તર પોલીસ મથકે ચિરાગ પઢિયાર સામે ફરિયાદ નોંધાવતાં પોલીસે ગુનો નોંધી વધુ તપાસ હાથ ધરી છે.