હવામાન વિભાગે આગામી 24 કલાક રાજ્યમાં ભારે વરસાદની આગાહી કરી છે

અમદાવાદઃ હવામાન વિભાગે આગામી 24 કલાક રાજ્યમાં ભારે વરસાદની આગાહી કરી છે. હવામાન વિભાગની આગાહી અનુસાર, આગામી 24 કલાક રાજ્યમાં ભારે વરસાદ વરસી શકે છે. હવામાન વિભાગે ઉત્તર ગુજરાતમાં ભારે વરસાદની આગાહી કરવામાં આવી છે. બનાસકાંઠા, પાટણમાં અતિભારે વરસાદની આગાહી કરી છે. બે દિવસ બાદ વરસાદનું જોર ઘટશે.

હવામાન વિભાગની આગાહી અનુસાર કચ્છ, બનાસકાંઠા, પાટણમાં રેડ એલર્ટ જાહેર કરવામાં આવ્યું છે. દેવભૂમિ દ્વારકા, જામનગર, મોરબી, રાજકોટ, જુનાગઢ, પોરબંદર, મહેસાણા, ભરૂચ ,સુરતમાં ઓરેંજ એલર્ટ જાહેર કરવામાં આવ્યું છે. તે સિવાય અરવલ્લી, આણંદ, વડોદરા, વલસાડ, દમણ, નવસારીમાં યલો એલર્ટ જાહેર કરવામાં આવ્યું છે.