ঢকুৱাখনাৰ মেধাবী শিক্ষাৰ্থী সকলক ভৱিষ্যতৰ শৈক্ষিক যাত্ৰাত সফলতাৰে আগুৱাই যোৱাৰ বাবে অনুপ্ৰাণিত কৰাৰ উদ্দেশ্যেৰে সোমবাৰে অনুষ্ঠিত কৰা হয় সম্বৰ্ধনা সভা ৷ সদ্যঘোষিত উচ্চতৰ মাধ্যমিক আৰু হাইস্কুল শিক্ষান্ত পৰীক্ষাত মেধাত্ব প্রদর্শনৰে উত্তীৰ্ণ হোৱা ঢকুৱাখনাৰ মুঠ ৯৬ গৰাকী কৃতিমান শিক্ষাৰ্থীক সোমবাৰে সম্বৰ্ধনা জনাই ঢকুৱাখনা আঞ্চলিক ছাত্ৰ সন্থাই ৷ আঞ্চলিক ছাত্ৰ সন্থা উদ্যোগত ঢকুৱাখনা উচ্চতৰ মাধ্যমিক বিদ্যালয়ৰ প্ৰেক্ষাগৃহত এখন সভাৰ আয়োজন কৰি কৃতিমান সকলৰ লগতে গৰিষ্ঠ সংখ্যক বিদ্যালয় প্ৰধানকো সম্বৰ্ধনা জনাই। কৃৰ্তি শিক্ষাৰ্থীক গামোচা ,গ্ৰন্থ সম্ভাৰ আৰু গছপুলি প্ৰদানৰ লগতে মেধাবী ছাত্ৰ ছাত্ৰী সকলে শিক্ষা গ্ৰহণ কৰা মুঠ ১৩ খন বিদ্যালয়ৰ ১৩ গৰাকী অধ্যক্ষ আৰু প্ৰধান শিক্ষকক হকলকো একোখন ফুলাম গামোচা আৰু প্ৰশস্তিপত্ৰৰে মান্যতা প্ৰদান কৰে ৷