হোজাইত নিশা মোবাইল চুৰি কৰি ৰাইজৰ কৱলত পৰিছে এটা চুৰ। বৰপুখুৰী অঞ্চলত ৰাইজে কৰায়ত্ত কৰা চুৰটোৰ নাম হৈছে ইজাজুল ইছলাম। বৰপুখুৰী অঞ্চলৰে ইজাজুল ইছলামে উক্ত অঞ্চলৰে দুজন ব্যক্তিৰ দুটা মোবাইল চুৰি কৰাত ৰাইজে কৰায়ত্ত কৰি লপাথপা দি গতাই দিছে আৰক্ষীক। পিছে ৰাইজে কৰায়ত্ত কৰি আৰক্ষীক গতাই দিয়া চুৰটোৰ স্পষ্ট মন্তব্য। হয় মোবাইল চুৰি কৰিছোঁ। কিন্তু ৰাইজে ধৰাত মই আকৌ ওভতাই দিছোঁ। কিয় চুৰি কৰিলে মোবাইল? মদ খাবলৈ পইচা নথকাত চুৰি কৰিছিলোঁ মোবাইল। কি মদ খাব আছিলা। চুৰৰ মন্তব্য ব্লেক দগ কোৱাৰ্টাৰ এটা খাব আছিলোঁ। দাম কিমান কলে ৯০০ টকা। মদ খাবলৈ মোবাইল চুৰি কৰি ৰাইজৰ কৱলত পৰা চুৰটোৱে মদ খোৱাৰ ইচ্ছা পূৰণ নহলেও কিন্তু এতিয়া লকআপৰ আলহী হোৱাটো একপ্ৰকাৰ খাটাং হোৱা দেখা গৈছে।