চৰাইদেউ জিলাৰ ওপৰেদি উৰি যোৱা এটা চুপাৰ চনিক জেট ফাইটাৰ প্লেনে সৃষ্টি কৰা এটা প্ৰচণ্ড শব্দত কঁপি উঠিল জিলাখনত বিস্তীৰ্ণ অঞ্চল। আজি দিনৰ প্ৰায় ১১.৩০ বজাত সংঘটিত হয় এই ঘটনাটো। ইয়াৰ ফলত জিলাখনৰ অন্তৰ্গত ভজো, লংপতিয়া, সাপেখাতি আদি অঞ্চলৰ ৰাইজৰ মাজত আতংকৰ সৃষ্টি হয়। শব্দটোৰ উৎসটোক লৈ নানা বিভ্ৰান্তিকৰ উৰা বাতৰি বিয়পি পৰে। অৱশ্যে সেনা সূত্ৰে শব্দটো প্ৰকৃততে চুপাৰ চনিক (শব্দৰ গতিবেগতকৈ অধিক গতিত উৰা প্লেইন) ফাইটাৰ প্লেইন এটাইহে সৃষ্টি কৰিছিল বুলি নিশ্চিত কৰে।