શિક્ષક દિન નિમિત્તે ભારત વિકાસ પરિષદ મહાવિજય શાખા, ડીસા દ્વારા માળવા પરા શાળાના શિક્ષક શ્રીઓના સન્માનનો કાર્યક્રમ યોજાયો..

માળવાપરા પ્રાથમિક શાળા (ચંડીસર) ખાતે પાંચમી સપ્ટેમ્બર 'શિક્ષક દિન ' અંતર્ગત ભારત વિકાસ પરિષદ મહાવિજય શાખા ,ડીસા દ્વારા આચાર્ય સહિત તમામ શિક્ષકોનું શાલ પ્રમાણપત્ર અને મોમેન્ટો આપી સન્માન કરવામાં આવ્યું હતું..

આચાર્યશ્રી અશોકભાઈ દ્વારા મહેમાનોનું શાબ્દિક સ્વાગત કર્યા બાદ શાલ ઓઢાડી સન્માન કરવામાં આવ્યું.શિક્ષક સન્માન સાથે 'મા બેટી' સંમેલન માં ધોરણ 6 થી8 માં અભ્યાસ કરતી બાલિકાઓ સાથે તેમની માતાઓ પણ હાજર રહી હતી..

શિષ્યવૃત્તિ પરીક્ષામાં ઉત્તીર્ણ થનાર ત્રણ બાળાઓનું વિશિષ્ટ સન્માન કરવામાં આવ્યું હતું.બાળાઓનું સશક્તિકરણ થાય અને વિવિધ બાબતોમાં પોતાની શ્રેષ્ઠતા સાબિત કરીને સમાજમાં આગળ વધી નામ રોશન કરે તેવુ જુદા જુદા ઉદાહરણ સહિત વક્તા શ્રી અમૃતભાઈ પઢીયાર (ટ્રસ્ટી ),પ્રવીણભાઈ સાધુ (મંત્રી) ,મહેશભાઈ રાઠોડ અને પૂજાબેન ઠક્કર દ્વારા માર્ગદર્શન આપવામાં આવ્યું હતું..

આ કાર્યક્રમમાં તારાચંદભાઈ ઠક્કર ,કાંતિલાલ દોશી, અનિતાબેન જાની, સપનાબેન અગ્રવાલ , રમેશભાઈ શાહ અને કલ્પેશભાઈ પટેલે હાજરી આપી વિદ્યાર્થીઓને પ્રોત્સાહિત કર્યા હતા..

શાળાના ઉ.શિ. પ્રકાશભાઈ પટેલ દ્વારા આભાર વિધિ કરવામાં આવી હતી..