ડીસાના ખરડોસણનો યુવક ડીસાની ખાનગી પેઢીમાં નોકરી કરતો હતો. ત્યારે શુક્રવારે મોડી રાત્રે ઘર તરફ જતો હતો ત્યારે ધરપડા-જૂનાડીસા વચ્ચે જોગમાયા કોલ્ડે સ્ટોરેજ નજીક આખલો રસ્તા વચ્ચે આવી જતાં બાઇક સવાર અથડાતાં તેનું મોત નિપજ્યું હતું.
ડીસાના ખરડોસણ ગામના ભરતજી લેબુજી ઠાકોર શુક્રવારે રાત્રે ડીસામાં પોતાની પેઢી પર ફરજ બજાવ્યા બાદ બાઇક ઉપર પોતાના ઘર તરફ જઇ રહ્યો હતો. ત્યારે ધરપડા અને જૂનાડીસા વચ્ચે જોગમાયા કોલ્ડ સ્ટોરેજ નજીક અચાનક રસ્તા વચ્ચે આખલો આવી જતાં ભરત ઠાકોરનો અકસ્માત સર્જાયો હતો.
આ અકસ્માતમાં ભરત ઠાકોરને ગંભીર ઇજાઓ પહોંચતા તેનું અવસાન થયું હતું. આ ઘટનાને પગલે ડીસા સહિત ભરત ઠાકોરના પરિવારમાં શોકનો માહોલ છવાઈ હતો.
