মাজুলী জিলা ৱাৰিৱৰ্ছৰ অন্তৰ্গত নয়াবজাৰ আঞ্চলিক সমিতিয়ে ১২ আগষ্ট তাৰিখে পৱিত্ৰ ভাতৃ-ভগ্নীৰ দিন হিচাপে পৰিগণিত ৰাখী বন্ধন দিৱস পালন কৰে। সেই উদেশ্যে মহিলা সজাগতা আৰু সৱলীকৰণৰ লক্ষ্যৰে গঠিত বেচৰকাৰী সংস্থাটোৱে উজনি মাজুলীৰ নতুন বজাৰ তহলদাৰী আৰক্ষী চকীত ৰাখী বন্ধন কাৰ্যসূচী অনুষ্ঠিত কৰে। বিশেষকৈ কৰ্মৰ কাৰণে ঘৰৰপৰা দূৰত থকা আৰক্ষী বাহিনীৰ লোকসকলক নিজ ভাতৃ জ্ঞান কৰি এই কাৰ্যসূচী সম্পন্ন কৰা হয় । অনুষ্ঠানটিত অংশগ্ৰহণ কৰে মাজুলী জিলা সমিতিৰ সভানেত্ৰী তথা নয়াবজাৰ আঞ্চলিকৰ উপদেষ্টা মধুস্মিতা বৰা, মাজুলী জিলা সমিতিৰ সাংগঠনিক সম্পাদিকা তথা নয়াবজাৰ আঞ্চলিকৰ উপদেষ্টা ৰীতুমণি গগৈ, নয়াবজাৰ আঞ্চলিকৰ সম্পাদিকা মিণ্টুমনি দাস আগৰৱালা, সহঃ সম্পাদিকা প্ৰতিভা চুতীয়া আৰু জন সংযোগ সম্পাদিকা পিংকী বৰা খনিকৰে।