শিৱসাগৰঃ মৰিয়ণিৰ পাৱাৰগ্ৰিড কৰ্পৰেচন লিমিটেড ইণ্ডিয়া আৰু জিলা স্বাস্থ্য সমিতি শিৱসাগৰৰ মাজত অসামৰিক চিকিৎসালয়ৰ ৰক্ত ভড়ালৰ ৰক্ত কোষ/ কণিকাৰ পৃথকীকৰণৰ মাজত স্বাক্ষৰিত হোৱা বুজাবুজিৰ চুক্তি অনুসৰি আজি দিনৰ প্ৰায় দুই বজাত শিৱসাগৰ জিলাৰ আয়ুক্ত আদিত্য বিক্ৰম যাদৱে জয়সাগৰত অৱস্থিত শিৱসাগৰ অসামৰিক চিকিৎসালয়ৰ চৌহদত ৰক্ত কণিকা পৃথকীকৰণ গোটৰ আধাৰশিলা স্থাপন কৰে।এই ৰক্ত ভড়ালৰ ৰক্ত কোষ/ কণিকাৰ পৃথকীকৰণৰ গোটৰ নিৰ্মাণ ১২ মহৰ ভিতৰত সম্পূৰ্ণ কৰা হ'ব বুলি জানিব পৰা গৈছে।এই গোট নিৰ্মিত হোৱাৰ পিছত শিৱসাগৰ জিলাৰ লগতে দাঁতিকাষৰীয়া অঞ্চলসমূহৰ যথেষ্ট সহায় বুলি আশা কৰা হৈছে। আজিৰ এই আধাৰশিলা স্থাপনৰ অনুষ্ঠানত জিলাখনৰ স্বাস্থ্য বিভাগৰ অতিৰিক্ত আয়ুক্ত গীতালী দুৱৰা, স্বাস্থ্য বিভাগৰ যুটীয়া স্বাস্থ্যসেৱা সঞ্চালক, জিলা যক্ষ্মা বিষয়া তথা ৰক্ত ভঁড়ালৰ ভাৰপ্ৰাপ্ত বিষয়া ডাঃ দ্বিজেন কোঁচ, শিৱসাগৰ অসামৰিক চিকিৎসালয়ৰ অধীক্ষক ডাঃ মাখন চন্দ্ৰ কলিতা, ডাঃ ফণীধৰ গগৈ, ডাঃ সাধন বৰা, ডাঃ অঞ্জনা শৰ্মা, ৰাষ্ট্ৰীয় স্বাস্থ্য অভিযান শিৱসাগৰৰ আঁচনি প্ৰৱন্ধক ধ্ৰৱজ্যোতি শইকীয়া, ৰটাৰী ক্লাবৰ মানৱজ্যোতি বৰুৱাকে ধৰি অসামৰিক চিকিৎসালয়খনৰ বিষয়া-কৰ্মচাৰী, DPMU ৰ সদস্যসকল উপস্থিত আছিল।
