নাৰায়ণপুৰ পৌৰসভাৰ উদ্যোগত খোলচোৱা পুখুৰীত অনুষ্ঠিত অমৃত সৰোবৰ মেলা উপলক্ষ্যে নাৰায়ণপুৰ পৌৰসভাই হাতত লৈছে শিক্ষামূলক ভ্ৰমণ কাৰ্যসুচী ৷ পৌৰসভাখনৰ অন্তৰ্গত বিদ্যালয়ৰ ষষ্ঠ শ্ৰেণীৰ ছাত্ৰ ছাত্ৰীক লৈ কৰা এই শিক্ষামূলক ভ্ৰমণ নাৰায়ণপুৰৰ পৰা শ্বহীদ কনকলতা বৰুৱা বাসগৃহলৈ গৈ শ্বহীদ গৰাকীৰ সম্পৰ্কে ছাত্ৰ ছাত্ৰীক অৱগত কৰোৱা হ’ব ৷ গহপুৰৰ কনকলতা প্ৰতিমূৰ্তি প্ৰত্যক্ষ কৰিব দলটোৱে ৷ আজি বিধায়ক অমিয় কুমাৰ ভূঞা আৰু পৌৰসভাৰ কাৰ্যবাহী বিষয়াই ফ্লেগ অফ কৰি যাত্ৰা শুভাৰম্ভ কৰে ৷