জেহাদীৰ সম্পৰ্কৰে জড়িত থকাৰ অভিযোগত মৰিগাঁৱৰ অন্য দুজন লোকক সোধা-পোচাৰ বাবে আটক কৰিছে মৰিগাঁও আৰক্ষীয়ে।
আৰক্ষীয়ে মৰিগাঁও চহৰৰ মাজ মজিয়াত থকা মিলনপুৰৰ নুৰ মছজিদৰ পলাতক ইমাম আহমেদ আলী আৰু ভোৰাগাঁও ফলিহামাৰী পথাৰৰ জিয়াৰোল হক নামৰ দুজন ব্যক্তিক আটক কৰিছে।
আটক কৰা লোক দুজনৰ আহমেদ আলী বিগত ২৯ জুলাইৰ পৰা পলাতক অৱস্থাত আছিল।
আৰক্ষীয়ে বিশেষ সূত্ৰৰ পৰা লাভ কৰা তথ্যৰ ভিত্তিত অভিযান চলাই পলাতক অৱস্থাত লোক দুজনক ভোৰাগাঁৱৰ বিশেষ স্থানৰ পৰা আটক কৰিছে।
