લીંબડી સેવા સદનમાં ઈ-ધારા વિભાગમાં કોન્ટ્રાકટ બેઝ પર ફરજ બજાવતા યુવકની બાઈકને કાર ચાલકે ટક્કર મારતાં બાઈક ચાલક યુવાનનું મોત નિપજ્યું હતું.લીંબડીની કૃષ્ણનગર સોસાયટીમાં રહેતા તાલુકા સેવા સદન ખાતે ઈ-ધારા વિભાગમાં કોન્ટ્રાકટ બેઝ પર કોમ્પ્યુટર ઓપરેટર તરીકે ફરજ બજાવતા 26 વર્ષિય અજયભાઈ અંબારામભાઈ કાણોતરા બાઈક લઈને હાઈ-વે પર જઈ રહ્યા હતા.ત્યારે માર્કેટિંગ યાર્ડ નજીક પૂરઝડપે આવતી કાર ચાલકે તેમના બાઈકને ટક્કર મારી હતી. અજયભાઈ બાઈક પરથી ફંગોળાઈ ગયા હતા. અજયનું સારવાર બાદ મોત નીપજ્યું હતું