মথুৰাপুৰত ফুটবল প্ৰশিক্ষণৰ সামৰণি

চৰাইদেউ জিলাৰ মথুৰাপুৰ ৰাজহুৱা খেলপথাৰত অনুষ্ঠিত গ্রীষ্মকালীন এমহীয়া ফুটবল প্ৰশিক্ষণৰ আজি সামৰণি পৰে। নিমনাগড় ফুটবল ক্লাবৰ উদ্যোগ আৰু মথুৰাপুৰ ক্ৰীড়া সন্থাৰ সহযোগত অনুষ্ঠিত এই প্রশিক্ষণ শিবিৰত ইণ্ডিয়ান ফুটবল ফেডাৰেচনৰ প্ৰশিক্ষণপ্রাপ্ত প্রশিক্ষক সঞ্জীৱ সোণোৱালে প্রশিক্ষণ দিয়ে। এই প্রশিক্ষণ শিবিৰত মথুৰাপুৰ, নিমনাগড়, টেঙাপুখুৰী, নাহৰহাবি, লাকুৱা আৰু মাইবেলা আদি অঞ্চলৰ শিশুৰ পৰা আৰম্ভ কৰি দুই শতাধিক যুৱক-যুৱতীয়ে প্রশিক্ষণ লয়। আজি সামৰণী অনুষ্ঠানত সোণাৰি প্ৰেছ ক্লাবৰ সভাপতি আলিম আহমেদ, প্রাক্তন খেলুৱৈ প্ৰহ্লাদ খদাল, বিচিত্র ডেকা, মথুৰাপুৰ ক্ৰীড়া সন্থাৰ প্রাক্তন সম্পাদক ইছলাম আহমেদ আৰু সংবাদকর্মী প্ৰণৱ বৰগোহাঁই আমন্ত্রিত অতিথি হিচাপে উপস্থিত থাকে। উক্ত অনুষ্ঠানে অসম যুথ অলিম্পিক ভাবোত্তোলন =), প্রতিযোগিতাৰ ছোৱালী শাখাত প্রথম স্থান লাভ কৰি মথুৰাপুৰলৈ গৌৰৱ কঢ়িয়াই আনিবলৈ সক্ষম হোৱা আস্থা গগৈক উদ্যোক্তাসকলে বিশেষভাৱে সম্বর্ধনা জ্ঞাপন কৰে।