স্বাধীনতা দিৱসলৈ মাজত মাত্ৰ দুটা দিন বাকী। সগৌৰৱেৰে আকৌ এবাৰ স্বাধীনতা দিৱস উদযাপন কৰিবলৈ সাজু প্ৰতিজন ভাৰতবাসী। আজাদী কা অমৃত মহোৎসৱ উপলক্ষে ৰাজ্যৰ বিভিন্ন প্ৰান্তঃত দেখা গৈছে বিভিন্ন সজাগতামূলক সমদল। দেৰগাঁও কমল দুৱৰা মহাবিদ্যালয়ৰ NCC ছাত্ৰ সকলে আজাদী কা অমৃত মহোৎসৱ উপলক্ষে ঘৰে ঘৰে ত্ৰিৰংগা পতাকা উত্তোলনৰ বাবে সজাগতা মূলক সমদল উলিওৱা দেখা গৈছে। চাইকেলেৰে ডিকেডি কলেজৰ পৰা গোলাঘাট দিশে পণ্ডিত হেমচন্দ্ৰ গোস্বামী পথৰে প্ৰায় ৩০ কিলোমিটাৰ অতিক্ৰম কৰে এই সজাগতামূলক সমদল।