હેડ કવાર્ટસમાં ફરજ બજાવતાં મુળ વડગામના મેમદપુરના પોલીસ કર્મચારીનું બુધવારે માર્ગ અકસ્માતમાં મોત થયું હતુ. જેઓ કારમાં ઇકબાલગઢ નજીક પસાર થઇ રહ્યા હતા. ત્યારે ઉભેલી ટ્રકની પાછળ કાર અથડાઇ હતી. પાલનપુર પોલીસ હેડ કવાર્ટસમાં ફરજ બજાવતાં દલપતસિંહ બુધવારે કાર લઇને અમીરગઢ તરફ જઇ રહ્યા હતા.

ત્યારે ઇકબાલગઢ નજીક ઉભેલી ટ્રક સાથે કાર અથડાઇ હતી. જેમાં દલપતસિંહને ગંભીર ઇજા થતાં મોત થયું હતુ. દલપતસિંહ મુળ વડગામ તાલુકાના મેમદપુર ગામના વતની હતી. જેમના મૃતદેહને પાલનપુર સિવિલ હોસ્પિટલમાં પી.એમ. કરી વાલી વારસોને સોંપવામાં આવ્યો હતો.