অতি মৰ্মান্তিক! এক হৃদয়বিদাৰক ঘটনা। বন্ধুৰ সৈতে অৰুণাচল প্ৰদেশত ফুৰিবলৈ গৈছিল অসমৰ চাৰি যুৱক। যোৱা ১৮ জুলাইত AS01BP-0650 নম্বৰৰ এখন ভক্সৱাগন বহনেৰে অৰুণাচল প্ৰদেশলৈ ফুৰিবলৈ গৈছিল যুৱককেইজন। কিন্তু যাওঁতেই অৰুণাচল প্ৰদেশৰ চেঁচা-ডিৰাং পথত পাহাৰৰ পৰা বাগৰী পৰি সন্ধানহীন হৈছিল ৪ যুৱক। কিন্তু আজি ছিন্ন ভিন্নকৈ সিচঁৰিত হৈ পৰি থকা ৪ যুৱকৰ মৃতদেহ প্ৰতক্ষ কৰে একাংশ লোকে । অৱশেষত অৰুণাচলৰ দুৰ্গম এলেকাত উদ্ধাৰ নগাঁওৰ লাওখোৱা ৰোডৰ বেদান্ত বৰমহেলা, কন্দলিৰ নয়ন বসুমতাৰী, তেজপুৰৰ সঞ্জীৱ দাস আৰু সোণাপুৰৰ হীৰক বড়োৰ মৃতদেহ। মৃতদেহ উদ্ধাৰ হোৱাৰ পাছতে পৰিয়ালৰ লোক উপস্থিত হয় ঘটনাস্থলীত। আৰক্ষীয়ে সদৰি কৰা অনুসৰি ঘন কুঁৱলিৰ বাবেই দুৰ্ঘটনাত পতিত হৈ অকালতে মৃত্যুক সাৱটিব লগা হল ৪ যুৱকে।