તારાપુર ખાતે મોટી ચોકડી અને નાની ચોકડી વિસ્તારમા તંત્ર દ્વારા મંગળવારે સવારથી જ વિવિધ વિસ્તારોમાં દબાણ હટવાની કામગીરી હાથ ધરવામાં આવી હતી. મોટી ચોકડી વિસ્તારમાં હાઇવે રસ્તા ઉપર દબાણમાં આવતા કેબિનો તથા પાકા દબાણો તંત્ર દ્વારા તોડી પાડવામાં આવ્યા હતા. આ ઉપરાંત તારાપુર નાની ચોકડી વિસ્તારમાં રસ્તાના દબાણમાં આવતા કેબીનો સહિતના વિવિધ દબાણ હટાવવામાં આવ્યા હતા. સમગ્ર કામગીરી દરમિયાન પ્રાંત અધિકારી, મામલતદાર ઉપસ્થિત રહ્યા હતા. કોઈ અનિચ્છનીય બનાવ ન બને તેનું ધ્યાન રાખીને ચુસ્ત પોલીસ બંદોબસ્ત મુકવામાં આવ્યો હતો. પેટલાદ ડીવાયએસપી પી.કે. દિયોરા સહિત પોલીસ કાફલો ઘટના સ્થળે ઉપસ્થિત રહ્યો હતો. બપોર સુધી વિવિધ વિસ્તારોમાં કાચા પાકા દબાણો તંત્ર દ્વારા હટાવી લેવામાં આવ્યા હતા.