પેટલાદમા શહેર પોલીસ દ્વારા શહેરના સ્ટેશન રોડ સહિત વિવિધ વિસ્તારોમાં ફૂટ પેટ્રોલિંગ કરવામાં આવ્યુ હતું. મંગળવારે સાંજે આઠ કલાકે શહેર પીઆઇ, કે.ડી. બ્રહ્મભટ્ટ,પીએસઆઇ, પોલીસ જવાનોની ઉપસ્થિતિમાં સ્ટેશન રોડ વિસ્તારમાં પેટ્રોલિંગ કરવામાં આવ્યું હતું. આગામી દિવસોમાં 26 જાન્યુઆરી પ્રજાસત્તાક પર્વની જિલ્લા કક્ષાની ઉજવણી પેટલાદમાં થનાર હોય પોલીસ દ્વારા શહેરના વિવિધ વિસ્તારોમાં ચાંપતી નજર રાખવામાં આવી રહી છે. ત્યારે કાયદો અને વ્યવસ્થાને સ્થિતિને લઈને પોલીસ દ્વારા પેટ્રોલિંગ કરાયું હતું.