স্বাধীনতাৰ অমৃত মহোৎসৱ উপলক্ষে প্ৰভাত ফেৰী কাৰ্যসূচী ৰূপায়ণ কৰিলে গোলাঘাটৰ চিনাতলীত । শিক্ষা বিভাগৰ নিৰ্দেশনা অনুসৰি ১ নং ভোলাগুৰি প্ৰাথমিক বিদ্যালয়ৰ দ্বাৰা উলিওৱা হয় এক বৃহৎ সমদল । বিদ্যালয়ৰ ছাত্ৰই প্ৰতীকী ৰূপত উপস্থাপন কৰিলে মহামানৱ মহাত্মা গান্ধীক ।প্ৰভাত ফেৰীত অংশ লয় বিদ্যালয়খনৰ ছাত্ৰ-ছাত্ৰীৰ লগতে অভিভাৱক আৰু স্থানীয় ৰাইজে । হাতে হাতে ৰাষ্ট্ৰীয় পতাকা লৈ  বন্দে মাতৰম ধ্বনি দি ওলাই আহিল কণ কণ ছাত্ৰ-ছাত্ৰীসকল । দেশপ্ৰেমমূলক গীত গাই অতি আনন্দেৰে শোভাযাত্ৰাত অংশ লৈছে সকলোৱে । গ্ৰামাঞ্চলতো স্বাধীনতাৰ অমৃত মহোৎসৱৰ আয়োজনত পূৰ্ণ সহযোগ আগবঢ়াইছে সকলোৱে ।