1લી જાન્યુઆરી નવા વર્ષને લઈને ખ્રીસ્તી ભાઈ બહેનોમાં અનેરો ઉત્સાહ જોવા મળ્યો હતો. પેટલાદના વિવિધ વિસ્તારોમાં નવા વર્ષની ઉજવણી ભારે ધામધૂમથી કરવામાં આવી હતી. પેટલાદના સુણાવ રોડ,મરીયમપુરા સહિત વિવિધ વિસ્તારમા આવેલા વિવિધ ચર્ચોમા સવારના સમયે પ્રાર્થનાસભા યોજાઈ હતી. અને મોટી સંખ્યામાં ખ્રિસ્તી ભાઈ બહેનોએ પ્રાર્થના સભામાં ભાગ લીધો હતો. અને એકબીજાને નવા વર્ષની શુભેચ્છાઓ પાઠવી હતી. આજના દિવસે ખ્રિસ્તી ભાઈ બહેનો ચર્ચમાં જાય છે અને ગત વર્ષમાં પ્રભુએ સંભાળી,બચાવી રાખ્યા જેને લઇને પ્રભુનો આભાર માને છે. અને નવા વર્ષની ભેટને માટે પણ પ્રભુનો આભાર માને છે. ખ્રિસ્તી ભાઈ બહેનોમાં નવા વર્ષને લઈને અનેરો ઉત્સાહ જોવા મળ્યો હતો.