অসম ফুটবল এচছিয়েছনৰ উদ্যোগত মৰাণত ৰাজ্যিক পৰ্য্যায়ত অনুষ্ঠিত ১৩ বছৰ অনুৰ্ধ য়ুথ লীগ ফুটবল প্ৰতিযোগিতাৰ সামৰনি পৰে । চূূড়ান্ত খেলখনিত জৰিগুৰি ৰূপজ্যোতি স্পৰ্টচ ক্লাৱে ধেমাজি ফুটবল ক্লাৱক ৪-১ গলৰ ব্যৱধানত পৰাস্ত কৰি শ্ৰেষ্ঠ দলৰ খিতাপ অৰ্জন কৰিবলৈ সক্ষম হয় । বিজয়ী দলটিৰ খেলুৱৈ মৰাণৰ অৰূপ কৰ্মকাৰে আজি খেলখনৰ শ্ৰেষ্ট গলদাতা আৰু শ্ৰেষ্ঠ খেলুৱৈ হিচাপে সন্মান লাভ কৰিবলৈ সক্ষম হয় । ধেমাজি দলটিৰ খেলুৱৈ ললিত মইছনে শ্ৰেষ্ঠ গল ৰক্ষকৰ সন্মান লাভ কৰে । উল্লেখযোগ্য যে, মৰাণ ৰূপজ্যোতি ফুটবল ক্লাৱে মৰাণ জিলা ক্ৰীড়া সন্থাক প্ৰতিনিধিত্ব কৰি এই প্ৰতিযোগিতাত অংশগ্ৰহন কৰিছিল । ইফালে, চূড়ান্ত খেলখনি উপভোগ কৰি আবেগিক হৈ পৰে অসম ফুটবল সন্থাৰ সহকাৰী সম্পাদক তথা মৰাণৰ বিশিষ্ট ক্ৰীড়া সংগঠক সঞ্জীৱ বৰুৱা । গ্ৰামাঞ্চলৰ খেলুৱৈসকলেৰে গঠিত মৰাণ ৰূপজ্যোতি ফুটবল ক্লাৱে অসমক প্ৰতিনিধিত্ব কৰাৰ যোগ্যতা অৰ্জন কৰাত গৌৰাম্বিত বুলি মন্তব্য আগবঢ়াইছে সঞ্জীৱ বৰুৱাই ।