চৰাইদেউ জিলাৰ মৰাণহাটত অৱস্থি ত মৰাণ মহাবিদ্যালয় খেল পথাৰত শুকূৰবাৰৰ পৰা আৰম্ভ হৈছে খেল মহাৰণ প্ৰতিযোগিতা।শুক্ৰবাৰে মৰাণ পৌৰসভাৰ পৌৰপতি অৰূপ দত্তই উদ্বোধন কৰা প্ৰতিযোগিতা খনিত মাহমৰা সমষ্টিৰ বিধায়ক তথা অসম চৰকাৰৰ কেবিনেট মন্ত্ৰী যোগেন মহন উপস্থিত থাকি প্ৰতিযোগী সকলক উৎসাহিত কৰে। এই অনুষ্ঠানত মন্ত্ৰীজনৰ উপৰিও মৰাণ গ্ৰাম্য মণ্ডল বিজেপিৰ সভাপতি হৰেন গগৈ, মৰাণ পৌৰসভাৰ উপ পৌৰপতি উদয় শঙ্কৰ গগৈ , ৱাৰ্ড আয়ুক্ত সকল, মৰাণ অঞ্চলৰ বহুকেইগৰকী ক্ৰীড়া সংগঠক উপস্থিত থাকে।এই প্ৰতিযোগিতাত মৰাণ অঞ্চলৰ স্কুল , কলেজৰ বহু ছাত্ৰ-ছাত্ৰীয়ে অংশ গ্ৰহন কৰিছে।