মৰাণ নাহৰকটীয়া মূল সংযোগী পথটো দির্ঘদীন ধৰি অৰ্ধনিমীয়মান অৱস্থাত ৰাখি থোৱা হৈছে । পুৰণি পথটো ভাঙি পেলোৱাৰ লগতে পথটো বহল কৰিবৰ বাবে পেলোৱা মাটিয়ে গোটেই পৰিবেশটো ধূলিময় কৰি পেলাইছে, ইয়াৰ উপৰিও চলন্ত বাহনৰ দ্বাৰা শিলগুটি স্থানচ্যুত হৈ কেইবাগৰাকীও ব্যক্তিক আঘাত কৰিছে । মৰাণৰ পৰা বামুণবাৰী লৈকে এই পথচোৱাৰ কাষত কেইবাখনো বিদ্যালয়ৰ লগতে বহুকেইটা সামাজিক অনুষ্ঠান আছে । ২৪ ঘণ্টাই ধূলিৰ মাজত আবদ্ধ হৈ থাকি বহুকেইগৰাকী ছাত্ৰ-ছাত্ৰীৰ লগতে স্থানীয় ব্যক্তি কেইবাজনো ইতিমধ্যে অসুস্থ হৈ পৰিছে । সেয়েহে, আজি প্ৰতিবাদী কাৰ্যসূচীৰ জড়িয়তে মৰাণ ৰাজহ চক্ৰ বিষয়া আৰু মাহমৰা ৰাজহ চক্ৰ বিষয়ালৈ একোখনকৈ স্মাৰক পত্ৰ প্ৰেৰন কৰে চুতীয়া জাতি যুৱ সন্মিলনে । আনহাতে, আগন্তুক ২৪ ঘণ্টাৰ ভিতৰত গঠনমূলক সহযোগিতা নাপালে, পুনৰ প্ৰতিবাদী কাৰ্যসূচী গ্ৰহন কৰা হ'ব বুলি জানিবলৈ দিয়ে সংগঠনটোৱে ।