দৰঙৰ খাৰুপেটীয়াৰ এখন ৰেষ্টুৰেন্টত কৰ্মৰত নলবাৰীৰ এজন হিন্দু যুৱকে হিন্দু ধৰ্ম এৰি গ্ৰহণ কৰিলে ইছলাম ধৰ্ম । নলবাৰী জিলাৰ ঘগ্ৰাপাৰ থানা এলেকাৰ দীপাংকৰ মহন্ত নামৰ হিন্দু যুৱক জনে মঙলদৈ আদালতত আইনী প্ৰক্ৰিয়াৰ জৰিয়তে গ্ৰহণ কৰে ইছলাম ধৰ্ম ।দীপাংকৰ মহন্তই ধৰ্ম পৰিবৰ্তন কৰি নাম ৰাখিলে ছফিকুল ইছলাম। দীপাংকৰ মহন্তৰ নতুন পৰিচয় এতিয়া ছফিকুল ইছলাম । সৰুতেই সপোন দেখিছিল জীয়াই থকালৈকে ইছলাম ধৰ্ম মানি চলিব । অৱশেষত মঙলদৈ আদালতত আইনী প্ৰক্ৰিয়াৰ যোগেদি হিন্দু ধৰ্ম ত্যাগ কৰি গ্ৰহণ কৰিলে ইছলাম ধৰ্ম । বৰ্তমান তেওঁ আদায় কৰে নামাজ । আহৰণ কৰিবলৈ লৈছে ইছলাম ধৰ্মৰ জ্ঞান । ইছলাম ধৰ্মৰ জ্ঞান লাভ কৰিবলৈ তবলিগী জামাতত যাব বুলি জনায় যুৱকজনে । উল্লেখ্য যে , মাতৃৰ মৃত্যুৰ পাছত পিতৃয়ে পুনৰ বিয়া পাতি খা খবৰ নোলোৱা হৈছে দীপাংকৰৰ । ঘৰলৈ গলেও পৰিয়ালে উভতাই পঠিওৱাই বুলি মন্তব্য কৰে যুৱক জনে ।