দেশৰ প্ৰধানমন্ত্ৰী নৰেন্দ্ৰ মোদীৰ আহ্বান মৰ্মে স্বচ্ছতাৰ দিশত আৰু এখোজৰ বাবে "এক দিন এঘন্টা এক সাথ" শ্ৰমদান কাৰ্যসূচীৰ অংশ হিচাপে আজি দৰঙৰ খাৰুপেটীয়া পৌৰসভাৰ উদ্যোগত পৌৰসভা এলেকাৰ প্ৰত্যেকটো ৱাৰ্ডত এই কাৰ্যসূচী ৰূপায়ণ কৰা হয়। কাৰ্যসূচীত খাৰুপেটীয়া পৌৰসভাৰ পৌৰনেত্ৰী কৃষ্ণা সাহা, কাৰ্যবাহী বিষয়া আকাংক্ষী ভট্টাচাৰ্য, পৌৰসভাৰ কৰ্মচাৰী সকল, মহিলা আত্ম সহায়ক গোটৰ সদস্যা সকল উক্ত কাৰ্যসূচীত অংশগ্ৰহণ কৰি নগৰখনত চাফাই অভিযান চলায়। পৌৰনেত্ৰী কৃষ্ণা সাহাই সকলো জনসাধাৰণক পৰিষ্কাৰ পৰিচন্নতা বজাই ৰাখৰ লগতে যতে ততে জাৱৰ-জোথৰ নেপেলাই ডাচবিনত জমা কৰিবলৈ আহ্বান জনায়।