দেশী বিদেশী পৰ্যটকসকলৰ বাবে সুখবৰ । আজিৰ পৰা  পৰ্যটকৰ বাবে  মুকলি হ'ল ওৰাং ৰাষ্ট্ৰীয়  উদ্যান ।জেষ্ঠ বনকৰ্মী তৰুণ বড়ো আৰু অৰণ্যক প্ৰধান ড° বিভৱ তালুকদাৰে আনুষ্ঠানিক ভাৱে ফিতা কাটি পুনৰ মুকলি কৰে ৰাষ্ট্ৰীয় উদ্যানখন ।সংগ দিয়ে উদ্যান খনৰ ডি এফ অ’ৰ লগতে বিভিন্ন পৰ্য্যায়ৰ বিষয়া সকল ৷আজিৰ পৰা দেশীবিদেশী পৰ্যটক সকলে ৰাষ্ট্ৰীয় উদ্যানখনৰ মনোমহা দৃশ্য উপভোগ কৰাৰ লগতে কৰিব পাৰিব প্ৰথমবাৰৰ বাবে নৌকা বিহাৰ ।পৰ্যটক সকলে কৰিব পাৰিব জীফ চাফাৰীৰ লগতে হাতী চাফাৰী ৷ইতিমধ্যে  পশ্চিমবংগৰ পৰা এটা দলে উদ্যান খনৰ মনোমোহা দৃশ্য উপভোগ কৰিবলৈ টিকট বুকিং কৰিছে বুলি জানিবলৈ দিছে উদ্যান খনৰ ডি এফ অই৷যোৱা বাৰ পৰ্যটকৰ সংখ্যা যথেষ্ট কম হৈছিল যদিও এইবাৰ আগৰ তুলনাত পৰ্যটকৰ সংখ্যা বাঢ়িব বুলি আশা প্ৰকাশ কৰিছে ডি এফ অই৷উদ্যানখন উন্নয়ন কৰাৰ ক্ষেত্ৰত অসম চৰকাৰক আহব্বান জনাইছে অৰণ্যক প্ৰধান ড° বিভৱ তালুকদাৰে৷উদ্যান খনত অৰণ্যক নামৰ সংস্থা এটাই ১৫ লাখ টকা ব্যয় কৰি উপহাৰ দিলে এখন এগ্ৰোবোল নামৰ এটা বাহন ৷ওৰাং ৰাষ্ট্ৰীয় উদ্যানখনত গড়,বাঘৰ লগতে  বিভিন্ন প্ৰজাতিৰ চৰাই চিৰকুটি চাবলৈ পাৰিব পৰ্যটক সকলে  ৷উল্লেখ্য যে,পুৱাৰ ভাগত উদ্যান কৰ্তৃপক্ষই কেবাটাও বিদ্যালয়ৰ ছাত্ৰছাত্ৰী সকলক লগত লৈ চলালে স্বচ্ছতা অভিযান৷