দৰং জিলা প্ৰশাসনৰ উদ্যোগত খাৰুপেটীয়া আৰক্ষী থানাৰ আৰু গাঁওৰক্ষী বাহিনীৰ সহযোগত আজি আৰিমাৰী বজাৰত বাল্য বিবাহ, নাৰী নিৰ্যাতন, মদ , ভাং, ড্ৰাগছ, শিশু শ্ৰমিক, চুৰি-ডকাইত আদি বিভিন্ন ধৰণৰ অসমাজিক কাৰ্যকলাপ বিৰুদ্ধে এখনি বিশেষ সজাগতা সভা অনুষ্ঠিত হয়। থানা পৰিচালনা কমিটিৰ সভাপতি ৰফিকুল ইছলামৰ সভাপতিত্বত অনুষ্ঠিত সভাখনত খাৰুপেটীয়া থানাৰ পৰিদৰ্শক মনোৰঞ্জন গগৈ, চক্ৰ সংগঠক মহেশ শৰ্মা, আৰিমাৰী পঞ্চায়তৰ সভাপতি ৰফিক আলী, থানা পৰিচালনা কমিটিৰ সহ সম্পাদক কৃষ্ণ সাহা, সমাজ সেৱক নিজাম উদ্দীন আহমেদ, মতলেব আলী আদি বিশিষ্ট ব্যক্তি সকল উপস্থিত থাকি অসমাজিক কাৰ্যকলাপ সমূহ সমাজৰ পৰা কেনেকৈ নিৰ্মূল কৰিব পাৰি সেই বিষয়ে গুৰুত্বপূৰ্ণ বক্তব্য আগবঢ়ায়। সভাত বিভিন্ন দল-সংগঠনৰ নেতা -কৰ্মী, আশাকৰ্মী, মহিলা গোটৰ সদস্যা, বিভিন্ন গাঁওৰক্ষী বাহিনীৰ সম্পাদক-সম্পাদিকাৰ লগতে অঞ্চলটিৰ কেবাজনো বিশিষ্ট লোক সকল উপস্থিত থাকে।