સુરત શહેરની પ્રતિષ્ઠિત સંસ્થા સાર્વજનિક એજ્યુકેશન સોસાયટી દ્વારા આયોજિત શિક્ષકદિન સમારંભ 2023 અંતર્ગત શ્રીમતી ક.લ.શં. ખાંડવાળા સાર્વજનિક હાઇસ્કૂલ ફોર ગર્લ્સનાં નિવૃત્ત આચાર્યા શ્રીમતી અલકા કશ્યપ મહેતાને “સાંદીપનિ ઋષિ એવોર્ડ”, માધ્યમિક વિભાગનાં મદદનીશ શિક્ષિકા વૈશાલીબેન પટેલને “સાર્વજનિક શિક્ષક રત્ન એવોર્ડ ” તથા વિદ્યાર્થીની જરીવાળા ધ્રુવીને “સાર્વજનિક વિદ્યાસાધક એવોર્ડ” એનાયત કરવામાં આવ્યો હતો. શાળાનાં આચાર્યા ડૉ. ફાલ્ગુનીબેન પટેલ અને વહીવટી સમિતિનાં અધ્યક્ષ દેવેન્દ્રભાઈ રંગરેજે એવોર્ડ પ્રાપ્ત કરનાર સર્વને અભિનંદન પાઠવ્યા હતાં.