વઢવાણ 80 ફુટ રોડ ઘુઘરી પાર્ક સામે, શારદા સોસાયટી બાજુમાં રહેતા દુષ્યતસિંહ પ્રદ્યુમનસિંહ રાણા 26-8-2023ની રાતે કાર લઇને ઘર તરફ આવવા નીકળ્યા હતા. ત્યારે રોડ પર ભાવનગરના ચેતનસિંહ ભંડારી અને હરપાલસિંહ ચૌહાણ બંને બાઇક લઇને રસ્તા વચ્ચે ઉભા હતા. દુષ્યતસિંહે બાઇક સાઇડમાં લેવાનું કહેતા બંનેએ મારામારી કરી તથા મારી નાખવાની ધમકી આપી હતી. આ અંગે બી-ડિવિઝન પોલીસ મથકે દુષ્યતસિંહ રાણાએ પોલીસ ફરિયાદ નોંધાવતા ચેતનસિંહ ભંડારી, હરપાલસિંહ ચૌહાણ સામે ગુનો નોંધાયો છે.આ બનાવમાં બી-ડીવીઝન પોલીસે પણ ભાવનગર જિલ્લાના તળાજા તાલુકાના બોરલા ગામના ચેતનસિંહ બનેસંગ ભંડારી અને ઉમરલા ગામના હરપાલ નારશીંગભાઈ ચૌહાણ સામે દારૂ પીધેલાનો ગુનો નોંધ્યો હતો.