દસાડા પોલીસ મથક હેઠળ ગ્રામ રક્ષક દળમાં ફરજ બજાવતા સભ્ય કમળાબેન વિરાભાઈ બજાણીયા વણોદ બેન્ક પાસે ગોગા મહારાજના મંદિર વચ્ચે ટર્નિંગમાંથી તેઓને કોઈ વ્યક્તિના પડી ગયેલા 1,80,000 રૂપિયા મળતા તેઓએ તેના મૂળ માલિકની તપાસ શરૂ કરી જ્યારથી તેઓને જાણવા મળેલુ કે, સુશિયા ગામના રમીલાબેન ભરવાડના પૈસા હોય અને તે ભૂલથી પડી ગયેલા હોય જેથી જી.આર.ડી સભ્ય કમળાબેન બજાણીયા દ્વારા રમીલાબેન ભરવાડના રૂ.1,80,000 ( એક લાખ એંસી હજાર પુરા ) પરત કરતા આનંદની લાગણી પ્રસરવા પામી હતી..પાટડી તાલુકાની મહિલા જી.આર.ડી.સભ્ય દ્વારા રૂ. 1.80 લાખ મૂળ માલિકને પરત કરી પ્રમાણિકતાનું ઉદાહરણ પૂરું પાડ્યું હતું. દસાડા પોલીસ મથકના જી.આર.ડી.સભ્ય કમળાબેન વિરાભાઈ બજાણીયા દ્વારા તેઓને મળેલા રૂપિયા મૂળ મલિકને પરત કરી પ્રમાણિકતાની મિશાલ કાયમ કરી છે.