પાટડીના માલવણ હાઇવે પર વાહન ચેકીંગ દરમિયાન વિદેશી દારૂની 100 બોટલો સાથે ડસ્ટર ગાડી ઝડપાઇ હતી. જેમાં બજાણા પોલીસે વિદેશી દારૂની 100 બોટલો અને ડસ્ટર ગાડી મળી કુલ રૂ. 3,34,420ના મુદામાલ સાથે બનાસકાંઠાના દિયોદરના એક શખ્સને ઝડપી પાડી કાર્યવાહી હાથ ધરી છે.બજાણા પોલીસ મથકના પીએસઆઇ એસ.પી.ઝાલા સહિતનો પોલીસ સ્ટાફ માલવણ હાઇવે પર પેટ્રોલિંગમાં હતો, ત્યારે વાહન ચેકીંગ દરમિયાન વિદેશી દારૂના જથ્થા સાથે ડસ્ટર ગાડીને બજાણા પોલીસ સ્ટાફે છટકું ગોઠવી આંતરીને પકડી પાડી હતી. અને આ ગાડીમાંથી ચાલક જીતેન્દ્ર હીરાભાઈ પુરોહિત ઉંમર વર્ષ- 30 ( રહે-મકડાલા, તા.દિયોદર , બનાસકાંઠાને જુદી જુદી બ્રાંડની વિદેશી દારૂની બોટલો નંગ- 100 કિંમત રૂ.34,420 અને ડસ્ટર ગાડી કિંમત રૂ. 3,00,000 મળી કુલ રૂ. 3,34,420ના મુદામાલ સાથે ઝબ્બે કરી એની વિરુદ્ધ દારૂ અંગેનો ગુન્હો નોંધી વધુ કાર્યવાહી હાથ ધરી છે.બજાણા પોલીસના આ દરોડામાં પીએસઆઇ એસ.પી.ઝાલા, કીશોરભાઇ પારઘી, ભુપતભાઇ ડેથળીયા, યશપાલસિંહ રાઠોડ અને રોહીતકુમાર પટેલ સહિતનો પોલીસ સ્ટાફ સાથે હાજર હતો. આ કેસની વધુ તપાસ બજાણા પીએસઆઇ એસ.પી.ઝાલા ચલાવી રહ્યા છે.