মৰাণৰ খুমটাই তিনিআলিত মৰাণ প্ৰেছ ক্লাৱৰ উদ্যোগত গ্ৰন্থ উন্মোচনী সভা, তিনিখন শিশু গ্ৰন্থ উন্মোচন ৷ চৰাইদেউ জিলাৰ মৰাণৰ খুমটাই তিনিআলিৰ শিক্ষক দম্পতি সুনীল গগৈ আৰু দিব্যজ্যোতি গগৈৰ বাসগৃহ চৌহদত যোৱা নিশা মৰাণ প্ৰেছ ক্লাৱৰ উদ্যোগত এখনি গ্ৰন্থ উন্মোচনী সভা অনুষ্ঠিত হয় ৷ মৰাণ প্ৰেছ ক্লাৱৰ সভাপতি দয়ানন্দ সিঙে সভাপতিত্ব কৰা সভাৰ আঁত ধৰে সম্পাদক শৰৎ শেনচোৱাই ৷ সভাত বিশিষ্ট অতিথি হিচাপে বিশিষ্ট লেখিকা অনিমা চেতিয়া, বিশিষ্ট চিকিৎসক ৰূপম কুমাৰ বৰুৱা, জেষ্ঠ সাংবাদিক অজিত চুতীয়াই গ্ৰন্থ উন্মোচনত অংশগ্ৰহন কৰে ৷ এই গ্ৰন্থ উন্মোচনী সভাত শিক্ষক, সাহিত্যসেৱী সুনীল গগৈ, পত্নী তথা লেখিকা দিব্যজ্যোতি গগৈ আৰু তেওঁলোকৰ পুত্ৰ সুদীপ্ত ৰননৰ একোখনকৈ শিশু গ্ৰন্থ উন্মোচন কৰা হয় ৷