ধেমাজি জিলাৰ চিলাপথাৰৰ খনামুখ আঞ্চলিক যুৱ সংঘৰ উদ্যোগত আৰু অসম চৰকাৰৰ ছাত্ৰ আৰু যুৱ কল্যাণৰ সহযোগত অহা ১৬ আগষ্টত খনামুখ আঞ্চলিক যুৱ সংঘৰ বাকৰিত এখনি অসম ভিত্তিত স্বাধীনতা কাপ দিবা -নৈশ‌ প্ৰাইজমানি ভলীবল প্ৰতিযোগিতাৰ ব্যাপক আয়োজন চলিছে । চিলাপথাৰৰ ঘাৰমৰা সত্ৰৰ সদ্য প্ৰয়াত সত্ৰাধিকাৰ, বৈষ্ণৱ পণ্ডিত স্বৰ্গীয় প্ৰেমকৃষ্ণ দেৱ গোস্বামীৰ পবিত্ৰ সোঁৱৰণত আয়োজন কৰা এই প্ৰতিযোগিতাখনি প্ৰাইজমানিৰ লগতে ট্ৰফী আৰু চলন্ত বঁটাৰে বিজয়ী দলটিক ২০ হাজাৰ টকা আৰু ৰাণাৰ্চ আপ দলটিকো ট্ৰফী সহ ১৫ হাজাৰ টকাৰে পুৰস্কৃত কৰিব । ইয়াৰ উপৰিও শ্ৰেষ্ঠ খেলুৱৈ বঁটা প্ৰথম আৰু দ্বিতীয়ক ট্ৰফী আৰু নগদ ধনেৰে পুৰস্কৃত কৰিব। অংশগ্ৰহণকাৰী দলে সামান্যতম মাছুল দিয়েই প্ৰতিযোগিতাখনিত ভাগ লৱ পাৰিব । প্ৰতিটো অংশগ্ৰহণকাৰী দলকে অহা যোৱাৰ বাবত এটি নিৰ্দ্ধাৰিত মাচুলো প্ৰদান কৰিব উদ্যোক্তা সকলে । সেইদিনা প্ৰতিযোগিতাখনিত বৰ্তমানৰ অসম চৰকাৰৰ ৰাজহমন্ত্ৰী যোগেন মহনৰ লগতে স্হানীয় বিধায়ক ভুৱন পেগু , সাংসদ প্ৰদান বৰুৱাৰ লগতে জিলাখনৰ ন-পুৰণি প্ৰায় সকল খেলুৱৈয়ে উপস্হিত থাকিব। ৰাতিলৈ অসমৰ খ্যাতনামা কণ্ঠশিল্পী সুজাতা কাৰ্তিক আৰু মিলন মিলিৰ সংগীতানুষ্ঠানৰ মাজতে প্ৰতিযোগিতাখনিৰ বঁটা বিতৰণী অনুষ্ঠান অনুষ্ঠিত হ'ৱ । আগ্ৰহী অংশগ্ৰহণকাৰী দল সমূহে ৮৬৩৮০৫৮২১৪ , ৮৬৩৮০৬৪৯৫০ , ৭৫৭৮৮৭২৮২৬ আৰু ৮৬৩৮৩৮৬৭৬৫ নম্বৰত যোগাযোগ কৰিব পাৰিব।