সোমবাৰে সমগ্ৰ দেশজুৰি পালন কৰা হ’ব ভাৰতৰ ৭৬ সংখ্যক স্বাধীনতা দিৱস ৷ সম্প্ৰতি স্বাধীনতা দিৱস প্ৰতি লক্ষ্য ৰাখি সমগ্ৰ ঢকুৱাখনা মহকুমাত গঢ়ি তোলা হৈছে নিৰাপত্তা ব্যৱস্থা ৷ মহকুমাটোত যাতে কোনো উগ্ৰপন্থীয়ে কূটাঘাট মূলক কাৰ্য সংঘটিত কৰিব নোৱাৰে তাৰ বাবে তৎপৰ হৈ পৰিছে ঢকুৱাখনা আৰক্ষী প্ৰশাসন ৷ মহকুমাটোত প্ৰৱেশৰ পূৰ্বে আৰক্ষীয়ে প্ৰতিখন দুচকীয়া - চাৰি চকীয়া যান-বাহনত চলাইছে তালাচী অভিযান ৷ দেশৰ ৭৬ সংখ্যক স্বাধীনতা দিৱসটি শান্তিপূৰ্ণ ভাৱে উদযাপনৰ বাবে মহকুমাটোৰ বিভিন্ন স্থানত আৰক্ষীয়ে গঢ়ি তুলিছে কটকটীয়া নিৰাপত্তা ব্যৱস্থা ৷