চৰাইদেউ জিলাৰ খুমটাই চাহ বাগিচাত বাঘৰ আতংক । বাগিচাৰ শ্ৰমিকে ফটকা ফুটাই, টিং বজাই পাত তুলিবলৈ যাবলগীয়া হয় । দিন-দুপৰতে বাগিচাত বাঘ প্ৰত্যক্ষ কৰি আতংকত কটাবলগীয়া হৈছে শ্ৰমিকে । খুমটাই চাহ বাগিচাৰ ৬ নং ডিভিজন আৰু ৰাঙলী ডিভিজনত নাহৰফুটুকী বাঘ বিচৰন কৰি থকা প্ৰত্যক্ষ কৰিছে শ্ৰমিকসকলে । সেয়েহে এতিয়া কামলৈ যাবলৈ ভয় শ্ৰমিকসকলৰ । পাত তুলিবলৈ যোৱাৰ সময়ত ফটকা ফুটাই, টিং বজাই বাগিচাত প্ৰৱেশ কৰে বাগিচাৰ শ্ৰমিকসকলে । চাৰিটাকৈ নাহৰফুটুকী বিচৰন কৰা প্ৰত্যক্ষ কৰিছে শ্ৰমিকসকলে । পশুধনো নিধন কৰিছে বাঘে । বন বিভাগক খৱৰ দিয়াৰ পিছত বাগিচাত পিঞ্জৰা পতাৰ ব্যৱস্থা কৰিছে বন বিভাগে ।