মুম্বাই, ৯ আগষ্ট ৯ (হি.স.)। সৰ্বভাৰতীয় জ্যেষ্ঠ বাছনি সমিতিয়ে সোমবাৰে নিশা আগন্তুক এছিয়া কাপৰ বাবে ১৪ জনীয়া দল ঘোষণা কৰিছে। বিৰাট কোহলী দললৈ উভতি আহিছে। আনহাতে ভাৰতৰ তাৰকা পেচাৰ যশপ্ৰীত বুমৰাহ আৰু হৰ্ষল পেটেল আঘাতৰ বাবে বাছনিৰ বাবে উপলব্ধ নাছিল। তেওঁ বৰ্তমান বেংগালুৰুৰ এনচিএত পুনৰ্বাস কৰি আছে।
বহু প্ৰতীক্ষিত এছিয়া কাপ ক্ৰিকেট প্ৰতিযোগিতাখন এই বছৰৰ ২৭ আগষ্টৰ পৰা অনুষ্ঠিত হ'ব।প্ৰতিযোগিতাখনৰ ১৫ সংখ্যক সংস্কৰণটো ইউ.এ.ইত ছয়টা দলৰ (মুখ্য প্ৰতিযোগিতা) মাজত খেলা হ'ব। ডিফেণ্ডিং চেম্পিয়ন ভাৰত হৈছে আটাইতকৈ সফল দল। এই দলটোৱে সাতবাৰ ট্ৰফী জিকিছে। যদিও প্ৰতিযোগিতাখনৰ অন্তিম সংস্কৰণটো এদিনীয়া ফৰ্মেটত অনুষ্ঠিত হৈছিল, এই সংস্কৰণত টি-২০ ফৰ্মেট থাকিব।
ছয়টা দলক দুটা গোটত বিভক্ত কৰা হৈছে। গ্ৰুপ এত ভাৰত, পাকিস্তান আৰু এটা যোগ্যতা অৰ্জনকাৰী দল আছে। আনহাতে গ্ৰুপ বি শ্ৰীলংকা, বাংলাদেশ আৰু আফগানিস্তানৰে গঠিত। প্ৰতিটো দলে গ্ৰুপ পৰ্যায়ত এবাৰকৈ ইজনে সিজনৰ সৈতে খেলিব। য'ত প্ৰতিটো গোটৰ শীৰ্ষ দুটা দলে চুপাৰ ৪ ৰাউণ্ডলৈ আগবাঢ়িব। চুপাৰ–৪ ৰ শীৰ্ষ ২ টা দলে ফাইনেলৰ বাবে যোগ্যতা অৰ্জন কৰিব।
এছিয়া কাপৰ বাবে ভাৰতৰ দলত আছে ৰোহিত শৰ্মা (অধিনায়ক), কে এল ৰাহুল (উপ-অধিনায়ক), বিৰাট কোহলী, সূৰ্যকুমাৰ যাদৱ, দীপক হুডা, ঋষভ পন্ত (উইকেট-ৰক্ষক), দিনেশ কাৰ্তিক (উইকেট-ৰক্ষক), হাৰ্দিক পাণ্ডিয়া, ৰবীন্দ্ৰ জাদেজা, আৰ অশ্বিন, যুজবেন্দ্ৰ চাহল, ৰবি বিষ্ণোই, ভুৱনেশ্বৰ কুমাৰ, অৰ্শদীপ সিং, আৱেশ খান।তিনিজন খেলুৱৈ শ্ৰেয়াছ আয়াৰ, অক্সাৰ পেটেল আৰু দীপক চাহাৰক ষ্টেণ্ডবাই হিচাপে নামাকৰণ কৰা হৈছে।
