অসম চাহ মজদুৰ সংঘ মৰাণ শাখা ডিব্ৰুগড় জিলাৰ মৰাণ ৰাজহ চক্ৰৰ অন্তৰ্ভুক্ত তিলৈজান বাগিচা ইউনিটৰ সভাপতি আৰু সম্পাদক পদ দুটিৰ বাবে আজি তিলৈজান বাগিচাৰ শ্ৰমিক বিনোদন কেন্দ্ৰত ভোটদান প্ৰক্ৰিয়াৰে এক সুস্থ পৰিবেশত অনুষ্ঠিত হৈ যায়। উক্ত নিৰ্বাচন প্ৰক্ৰিয়াত মৰাণ শাখাৰ উপ - সভাপতি - চামুৱেল চনা, কোষাধ্যক্ষ - ৰতন মৃৰ্ধা, সহ : সম্পাদক - প্ৰমোদ সিং তাঁতী আৰু সংগঠক ধীৰাজ চাৱাঁচীয়ে উপস্থিত থাকি সংঘৰ সাংবিধানিক নীতি - নিয়ম মানি পৰিচালনা কৰে। ভোটদান প্ৰক্ৰিয়াৰে সভাপতি প্ৰাৰ্থী - ৰাজু চিন্দুৱাৰে সৰ্বাধিক মুঠ - ২২২ টা ভোট লাভ কৰি সভাপতি পদত জয়ী হৈ আৰু সম্পাদক পদৰ প্ৰাৰ্থী - সাজন টপ্পই সৰ্বাধিক মুঠ - ২৪৫ টা ভোট পাই সম্পাদক পদত জয়ী হয়। অৱশেষত নিৰ্বাচন প্ৰক্ৰিয়াটিত বাগিচাখনৰ সমূহ শ্ৰমিক ৰাইজে সহায়- সহযোগ আগবঢ়োৱাত সহ: সম্পাদকে শাখা সংঘৰ তৰফৰ পৰা সকলোলৈকে অশেষ ধন্যবাদ জনায়।