নামেৰী ৰাষ্ট্ৰীয় উদ্যানত পুনৰ হস্তনিৰ্মিত বন্দুক উদ্ধাৰ| ৰাষ্ট্ৰীয় উদ্যানত চাৰি জনকৈ দুষ্কৃতিকাৰীয়ে চোৰাং চিকাৰৰ বাবে বাহৰ পাতি থকা তহলদৰী দলে প্ৰতক্ষ্য কৰাত দলটো পলাই যাবলৈ সক্ষম হয় |ঘটনাস্থলীত বনবিভাগৰ দলটোৱে এক ৰাউণ্ড গুলি কৰাত দুষ্কৃতিকাৰীকেইজন পলাই যাবলৈ সক্ষম হয় |উল্লেখ্যে যে ৰাষ্ট্ৰীয় উদ্যানখনৰ ভিতৰত প্ৰবেশ কৰা দুষ্কৃতিকাৰী দলটোৰ পৰা এটা হস্তনিৰ্মিত বন্দুক আৰু দুই জাই সজীৱ গুলি উদ্ধাৰ কৰিবলৈ সক্ষম হয়। ইতিমধ্যে বন বিভাগে নামেৰী ৰাষ্ট্ৰীয় উদ্যানত এটা বাঘ নিধন কৰাৰ ঘটনাৰ তদন্ত অব্যাহত থাকোতেই পুনৰ বন্দুক উদ্ধাৰ হোৱা ঘটনাই অঞ্চলজুৰি তিব্ৰ চাঞ্চল্যৰ সৃষ্টি কৰিছে।