মৰাণৰ তিলৈবাৰী বঙালী গাঁও আৰু মণিপথাৰ সংযোগী পথত তিলৈ নৈৰ ওপৰত থকা কাঠৰ দলঙৰ তলত আজি দুপৰীয়া এটা মৃতদেহ উদ্ধাৰক লৈ সৃষ্টি হৈছে তীব্ৰ চাঞ্চল্যৰ ৷ মৃতদেহটো মণিপথাৰ গাঁৱৰ ভাইলা মুণ্ডাৰ পত্নী অনিতা মুণ্ডাৰ (৩৬) বুলি চিনাক্ত কৰিছে পৰিয়ালৰ লোকে ৷ যোৱা নিশাৰে পৰা সন্ধানহীন হৈ আছিল মহিলাগৰাকী ৷ আজি দুপৰীয়া মৃতদেহটো প্ৰত্যক্ষ কৰি খোৱাং আৰক্ষীক অৱগত কৰাৰ পাছত বৰ্তমান স্থানীয় দণ্ডাধীশৰ উপস্থিতিত আৰক্ষীয়ে নৈৰ পৰা উদ্ধাৰ কৰিছে মৃতদেহটো ৷ পাৰিবাৰিক অশান্তিৰ বাবেই মহিলাগৰাকীয়ে নৈত জপিয়াই আত্মহননৰ পথ বাচি লোৱা বুলি সন্দেহ কৰিছে স্থানীয় ৰাইজে