নলবাৰী ঘগ্ৰাপাৰত শনিবাৰে আবেলি ৰেলৰ খুন্দাত নিহত হোৱা যুৱকৰ নশ্বৰ দেহ আজি আবেলি শহস্ৰাধিক লোকৰ উপস্থিতিত সৎকাৰ কৰে৷উল্লেখ্য যে শনিবাৰে আবেলি ঘগ্ৰাপাৰ আৰক্ষী থানাৰ অন্তৰ্গত চতমা গাৱঁৰ নামখালা চুবুৰিৰ কৌশিক শৰ্মা নামৰ ২৬ বছৰীয়া যুৱক এজন দ্ৰুতবেগি ৰেলৰ খুুন্দাত নিহত হৈছিল৷যুৱকজন চুবুৰিটোৰ এ এছ ই বিৰ অৱসৰপ্ৰাপ্ত কৰ্মচাৰী নৰেশ্বৰ শৰ্মাৰ একমাত্ৰ পুত্ৰ সন্তান আছিল৷অতিপাত জনপ্ৰিয় যুৱকজনৰ মৃত্যুক অঞ্চলবাসীয়ে সহজ ভাবে লব পৰা নাই৷সেয়েহে সকলোৱে শেষবাৰৰ বাবে এবাৰ চোৱাৰ বাবে ভিৰ কৰে নামখালাত৷সকলোৰে চকুত চকুপানী৷নিৰবে উচুপিছে শহস্ৰাধিকে৷অলপতে জি এম চি এইছত কৰ্মসংস্থাপন হোৱা যুৱক জনৰ মৃত্যুৰ বাতৰিয়ে জি এম চি এইছটো শোকৰ ছা পৰিছে৷