મહેસાણાની યુવતી સાથે સોશિયલ મીડિયા પર પરિચયમાં આવેલા યુવકે ફોન કરી ગાંધીનગર મળવા બોલાવી બાઈક પર અપહરણ કરી અલગ અલગ જગ્યાઓ પર ફેરવીને માણસા તાલુકાના દેલવાડ ગામની સીમમાં આવેલા તબેલા ઉપર લઈ જઈ દુષ્કર્મનો પ્રયાસ કર્યો હતો. મહેસાણા પોલીસ મથકે નોંધાઈ છે. પોલીસે અપહરણ કરનાર યુવક અને તેના મિત્ર સહિત તેના પરિવારજનો સહિત 10 સામે ગુનો નોંધ્યો છે.

મહેસાણામાં પોતાના પરિવાર સાથે રહેતી 19 વર્ષીય યુવતી દેલવાડ ખાતે રહેતા પ્રેમકુમાર દિપકકુમાર અડાલજા સાથે સોશિયલ મીડિયાના માધ્યમથી સંપર્કમાં આવી હતી ત્યારબાદ જૂન મહિનામાં પ્રેમ કુમારે યુવતીને ફોન કરી તું મને 4:30 વાગે એસટી બસમાં બેસી ગાંધીનગર ખાતે મળવા આવ નહિતર હું તારું મહેસાણાથી અપરણ કરીશ અને તારા ઘરે તારા મમ્મી પપ્પાને આપણી વાત કરી દઈશની ધમકીઓ આપતા યુવતી બસમાં બેસીને ગાંધીનગર પહોંચી હતી.

જ્યાંથી પ્રેમકુમાર અને તેના મિત્ર હિમાંશુએ યુવતીને ધાક ધમકી આપી બાઈક ઉપર બેસાડી કોબા સર્કલ ખાતે આવેલી હોટલ અને આઇ માતાના મંદિરે લઈ ગયા હતા. જ્યાં પ્રેમકુમારે એક રાત રાખ્યા બાદ યુવતી પોતાના ઘરે જવાનું કહેતી હોવા છતાં ગાંધીનગરથી અમદાવાદ લાલ દરવાજા અને ત્યાંથી પરત ગાંધીનગર આવતા પ્રેમકુમારના પરિવારજનોએ યુવતીને કારમાં બળજબરીપૂર્વક બેસાડીને માણસા તાલુકા દેલવાડ ગામની સીમમાં આવેલા ભેંસોના તબેલા ઉપર લઈ જઈને પ્રેમકુમાર સાથે શરીર સંબંધ બાંધવા મજબૂર કરી એક રૂમમાં ગોંધી રાખીને પ્રેમકુમારે યુવતીની મરજી વિરુદ્ધ શારીરિક અડપલા પણ કર્યા હતા.

છેવટે યુવતી ટસની મસ ન થતાં પ્રેમકુમાર અને તેના પરિવારજનો તેને હાઇવે ઉપર મૂકી જતા તેણી ને કોઈ જાગૃત નાગરિકે ગાંધીનગરના સખીવન સ્ટોપ સેન્ટર ખાતે પહોંચાડી હતી અને ત્યાંથી પોતાના ઘરે મહેસાણા આવેલી યુવતીએ પોતાની સાથે બનેલી ઘટના અંગે પરિવારજનોને વાતચીત કર્યા બાદ મહેસાણા એ ડિવિઝન પોલીસ મથકે ફરિયાદ નોંધાવતા પોલીસે યુવક પ્રેમ કુમાર અને તેના મિત્ર સહિત 10 સામે ગુનો નોંધી વધુ તપાસ હાથ ધરી છે.

આ 10 સામે ગુનો

1. પ્રેમકુમાર દિપકકુમાર અડાલજા 2. નરેશકુમાર શામળભાઈ રાઠોડ 3. પ્રવીણકુમાર ચુન્થાલાલ મકવાણા 4. દીપકકુમાર મફતલાલ પરમાર 5. વર્ષાબેન મફતલાલ પરમાર 6. ઉષાબેન મફતલાલ પરમાર 7. સંજયભાઈ ગોવિંદભાઈ પરમાર 8. ધર્મેન્દ્ર ગોવિંદભાઈ પરમાર 9. ગોવિંદભાઈ સોમાભાઈ પરમાર 10. હિમાંશુ