আজি পৰ্য্যন্ত মেৰামতি নহল বিগত ২০২২ চনৰ জুনমাহত প্ৰৱল বানপানীৰ ফলত বিধস্ত হোৱা এটি কালভাৰ্ট৷মৰোৱা কমলপুৰ গড়কাপ্তানি পথৰ উক্ত বিধস্ত কালভাৰ্টটোৰ কাষৰে দিয়া এটি উপপথৰে পথচাৰীয়ে বিপদ সংকুল ভাবে অহাযোৱা কৰি আছে৷ ইতিমধ্যে উক্ত উপপথত বিগত দিন কেইটাত কেইবাজনো লোক দুৰ্ঘটনাত পতিত হৈ আহত প্ৰাপ্ত হৈছিল৷বৰ্তমানো এইসকল আহতই চিকিৎসা কৰি থাকিব লগা হৈছে৷আনহাতে কেইবাখনো মালভৰ্তি ট্ৰাক দুৰ্ঘটনাত পতিত হৈ সামগ্ৰী সমূহৰ বিস্তৰ ক্ষতি হৈছিল৷ইমানৰ পিচতো লোক নিৰ্মাণ বিভাগে কালভাৰ্টটো কিয় মেৰামতি কৰা নাই এই লৈ ৰাইজৰ মাজত চৰ্চাৰ বিষয় হৈ পৰিছে৷ইতিমধ্যে লোক নিৰ্মাণ বিভাগে পথটোৰ দুই মুৰে পথ বন্ধৰ ফলক লগাই দায়িত্ব সাৰিছে৷সেয়েহে ৰাইজে পথটোৰ গুৰুত্ব বুজি শিঘ্ৰে মেৰামতিৰ দাবী কৰিছে৷