હળવદ શહેરમાં પંચમુખી ઢોરા વિસ્તારમાં ઘંટીની પાછળ બીજી શેરીમાં રહેણાંક મકાનમાંથી વિદેશી દારૂ-બિયરના જથ્થા સાથે એક મહિલાને પોલીસે ઝડપી પાડી છે. પંચમુખી ઢોરા વિસ્તારમાં ઘંટીની પાછળ બીજી શેરીમાં રહેતી સલમાબેન ઉર્ફે સોનુ આશીફભાઈ મીરના કબ્જા ભોગવટા વાળા રહેણાંક મકાનમાંથી ઈંગ્લીશ દારૂની બોટલ નંગ -૧૦ કિં રૂ. ૧૬૦૦ તથા બીયર ટીન નંગ -૭ કિં રૂ.૭૦૦ મળી કુલ કિંમત રૂપિયા ૨૩૦૦ના મુદ્દામાલ સાથે હળવદ પોલીસે ઝડપી પાડી મહિલા વિરુદ્ધ ગુન્હો નોંધી કાયદેસરની કાર્યવાહી હાથ ધરી છે.