দৰঙ বিজেপিত অন্তঃ কন্দল - বৰ্তমান দৰঙ বিজেপিত পচা আলুই গেলাই পেলাইছে
ৰবিবাৰে দৰং ৰ পিপৰা দোকানৰ চিলাৰায় ভৱনত অনুষ্ঠিত হয় দৰং জিলাৰ পুৰনি তথা জ্যেষ্ঠ বিজেপিৰ এক বিশেষ সভা। দৰং ৰ বিভিন্ন প্ৰান্তৰ জ্যেষ্ঠ বিজেপিৰ কৰ্মী সভাত, বহু কেইগৰাকী জিলা প্ৰাক্তন সভাপতি সম্পাদক তথা জ্যেষ্ঠ কৰ্মীয়ে ক্ষোভ উজাৰে বৰ্তমান দৰং বিজেপিৰ কৰ্মকাণ্ডক লৈ। বিজেপিৰ পুৰনি নেতা তথা কৰ্মী সকলক কোনো গুৰুত্ব প্ৰদান নকৰাৰ অভিযোগ উত্থাপিত কৰে এই সভাত। কংগ্ৰেছৰ পৰা নিজৰ স্বাৰ্থ সিদ্ধি বা কিছুসংখ্যক কংগ্ৰেছৰ কৰ্মী বিজেপিত যোগদান কৰি অকল ঠিকা কৰিবহে আহিছে বুলিও পুৰনি বিজেপি কৰ্মীয়ে গুৰুত্বপূৰ্ণ মন্তব্য আগবঢ়ায় এই সভাত।আনকি বৰ্তমান দৰং বিজেপিত পচা আলুই গেলাই পেলাইছে বুলি মন্তব্য কৰে।
