સુરેન્દ્રનગરનાં ચુડા તાલુકાના મોજીદડ ખાતે ધોધમાર વરસાદ વરસતાં રહેણાકી વિસ્તાર તેમજ ખેતરો બેટમાં ફેરવાયા હતા. જેમાં ચૂડા તાલુકાના મોજીદડ પીએચસી કેન્દ્ર બેટમાં ફેરવાયું હતું. તેમજ આજુબાજુના વિસ્તારોમાં વરસાદી પાણી ઘુસી જતા લોકો પરેશાન થઇ ગયા હતા.જ્યારે ચૂડા તાલુકાના મોજીદડ પીએચસી કેન્દ્રના મેડિકલ ઓફિસરના ક્વાટરમાં વરસાદી પાણી ઘૂસતા મોટું નુકસાન પહોંચ્યું હતુ. તો બીજીતરફ વાંસળ નદીના પાણી બે કાંઠે વહેતા થયા હતા. જ્યારે ચુડા સહિતનાં ગ્રામ્ય વિસ્તારોમા સાંબેલાધાર વરસાદ પડતાં જળબંબાકાર જેવી સ્થિતિ સર્જાઈ હતી.