🔸বাগসা জিলাৰ গোৰেশ্বৰৰ নাৰী শিক্ষা অন্যতম শিক্ষা প্ৰতিষ্ঠান গোৰেশ্বৰ ছোৱালী হাইস্কুলে সোণালী জয়ন্তী উদযাপন কৰিবলৈ প্ৰস্তুতি চলাইছে। গোৰেশ্বৰ ছোৱালী উচ্চ মাধ্যমিক বিদ্যালয়ৰ প্ৰধান শিক্ষক তথা সোণালী জয়ন্তী উদযাপন সমিতিৰ সম্পদক মফিদুল হকে জানিবলৈ দিয়া মতে ইতিমধ্যে এখন শক্তিশালী উদযাপন সমিতি গঠন কৰা হৈছে। ৰঙিয়া সমষ্টিৰ বিধায়ক ভৱেশ কলিতাক সভাপতি, ক্ষীৰোদ চন্দ্ৰ ডেকাক কাৰ্যকৰী সভাপতি, লগতে কৰুণা কান্ত ডেকা,চাদনুৰ আলী হাজৰিকা, দ্বাৰিকা ভূঞা,মুকুল চৌধুৰী, ভৱেন ৰাজবংশী আৰু মঞ্জুমা দেৱীক উপসভাপতি আৰু মফিদুল হকক সম্পদক , ধৰণী ডেকা, দশম ডেকা,মইনুল চৌধুৰী, মনোৰঞ্জন ডেকা, আৰু বিপ্লৱ নাথ সহকাৰী সাধাৰণ সম্পাদক হিচাপে লৈ মুঠ ৫১ জনীয়া মুল সমিতি গঠন কৰা হৈছে। আনহাতে ৭ টা উপসমিতি উদযাপনৰ বাবে গঠন কৰা হৈছে। উল্লেখ্য যে অহা ডিচেম্বৰ মাহৰ শেষ সপ্তাহত আয়োজিত হ’ব লগীয়া সোণালী জয়ন্তীৰ স্মৃতিগ্ৰন্থৰ বাবে লেখা বিচৰা হৈছে। সমূহ প্ৰাক্তন ছাত্ৰীৰ লগতে শিক্ষক-শিক্ষয়িত্ৰী তথা বৰ্তমানৰ ছাত্ৰী শিক্ষক-শিক্ষয়িত্ৰীৰ আৰু শুভাকাংক্ষী ৰাইজৰ সহায় সহযোগ সহযোগিতা কামনা কৰিছে উদযাপন সমতিয়ে। ইপিনে কালি ২৪ জুনত উদযাপন সমিতিৰ এখন সভা অনুষ্ঠিত হৈ যায় য’ত সোণালী জয়ন্তী উদযাপনৰ বিভিন্ন দিশ আলোচনা কৰা হয়।