ভাৰত ভূটান সীমান্তৰ দৰঙামেলা মৈনাচআলি পাহাৰত আজি পুৱা উদ্বাৰ হয় এটি অছিনাক্ত মৃতদেহ। স্থানীয় কিছু লোকে আজি মৃতদেহটো প্ৰত্যক্ষ কৰি দৰঙামেলা আৰক্ষী চকীত খবৰ দিয়াত ঘটনাস্থলীত দৰঙামেলা আৰক্ষী চকীৰ ভাৰপ্ৰাপ্ত আৰক্ষী বিষয়া গোপাল দলেৰ নেতৃত্বত আৰক্ষীৰ এটা দল সেই স্থানত উপস্থিত হয়। পৰৱৰ্তী সময়ত ঘটনাস্থলীত দণ্ডাধীশ, তামুলপুৰৰ অতিৰিক্ত আৰক্ষী অধীক্ষক, মহকুমা আৰক্ষী বিষয়াৰ লগতে তামুলপুৰ থানৰ ভাৰপ্ৰাপ্ত বিষয়াই সেই স্থানত উপস্থিত হৈ মৃতদেহটো উদ্বাৰ কৰি মৰুনত্বৰ পৰীক্ষাৰ বাবে মুছলপুৰলৈ প্ৰেৰণ কৰে। উল্লেখ যে মৃতদেহটো প্ৰায় ৩৫ বছৰীয়া এগৰাকী মহিলাৰ। মৰুনত্বৰ পৰীক্ষাৰ পিছত হে পোহৰলৈ আহিব মহিলাগৰাকীৰ মৃত্যুৰ প্ৰকৃত কাৰণ।